Estou en contra dos recortes educativos

Sr. Director:

Como membro dunha familia que ten fillos en idade escolar, e fillos que están escolarizados nun centro público desta comunidade autónoma, quixera que saíra á luz a miña opinión, e a miña protesta, sobre a situación que se está a vivir no ensino público, logo dun par xa de meses de curso académico transcorridos, e cando xa comezamos a ver cal é a incidencia dos recortes educativos da consellería de educación da Xunta de Galicia.

Antes de comezar este curso, xa sabiamos que a consellería ía iniciar un proceso de recortes de persoal, encuberto baixo a fórmula de incrementar “só un par” de horas lectivas á carga docente do profesorado de educación infantil e primaria. Pero só cando iniciamos o curso comezamos a descubrir qué significaba isto, e de que maneira esta decisión rebaixa o nivel do ensino público galego. A realidade é que a tradución desa medida é moi simple: trátase dunha diminución de profesores que  propia consellería cifra en 587 profesionais menos que o ano anterior atendendo á educación dos nosos fillos; significa que as prazas de especialistas nos centros están a ser cubertas por persoal que non ten acreditada esa especialidade; significa que as ausencias do profesorado están a ser cubertas polos seus propios compañeiros (nisto utilizan esas dúas horas “de máis” que teñen que impartir) en detrimento doutros labores que poderían desenvolver; significa que as substitucións están a ser ralentizadas pola consellería porque un día sen substituto é un aforro económico e, total,” xa os atenderá algún dos profesores que andan polos pasillos”; significa que cada profesor ten dúas horas menos para traballar polos seus alumnos, para facerlles un seguemento individualizado cando o necesiten, para atender os seus problemas, para programar actividades complementarias, en fin, para todo o que  tamén é educación.

Pero os recortes en educación non paran nos docentes; con todo isto asistimos sorprendidos a un progresivo recorte de medios materiais, á infradotación dos nosos centros, incapaces de se adaptar ás novas tecnoloxías, imposibilitados para impartir esas docencias “trilingües” que tanto tentaron vendernos porque non hai profesorado capacitado para facelo; vemos como os nosos colexios carecen de coidadores para a atención non académica ao alumnado, que volve a depender da boa vontade, e das posibilidades reais, do profesorado; vemos tamén á renuncia constante a tomar decisións por parte da Xunta de Galicia, poñendo a carga da responsabilidade directamente nos equipos directivos dos centros, nos claustros e nas propias familias.

Opino polo tanto que esta non é a dirección correcta, que en educación non se pode recortar porque a educación pública é un ben demasiado grande como para estar suxeito a vaivéns puramente electoralistas, e que o que nos estamos xogando é o futuro dos nosos fillos, e tamén o noso propio futuro como grupo social.

A Federación de ANPAS Compostela ven de modificar os seus estatutos coa intención de integrar as ANPAS de secundaria e as dos concellos limítrofes.

A nova redacción pódese consultar AQUÍ

Envíolle esta carta coa intención de expresarlle o meu descontento respecto da actual situación dos comedores dos colexios públicos nesta Comunidade, así como para transmitirlle o meu convencemento de que a xestión dos mesmos non lles corresponde ás Anpas, senón á Administración.
Teño a impresión de que a realidade e necesidades das familias deste tempo non teñen nada que ver coas dalgúns anos atrás, mais a Administración segue vivindo nun pasado no que as nais non traballaban fóra da casa e as estruturas familiares, así como a situación social e laboral, eran moi diferentes das actuais. Hoxendía, todo isto cambiou e vémonos na necesidade de recorrer aos servizos de madrugadores, comedor ou actividades extraescolares para asegurar que @s nos@s nen@s están atendid@s durante o horario laboral. Como vostede xa saberá, estes servizos están sendo xestionadas polas ANPAS case na súa totalidade. No caso dos comedores, esta situación resulta especialmente gravosa posto que a xestión e contratación dos servizos de comedor correspóndelle única e exclusivamente á Administración, segundo a Instrución 4/2010 da Secretaría Xeral da Consellería de Educación e Ordenación Universitaria, de 9 de xuño, sobre funcionamento dos comedores escolares de xestión indirecta no curso escolar 2010-2011”, derivada do Decreto 10/2007, do 25 de xaneiro (DOG do 6 de febreiro de 2007), Orde do 21 de febreiro de 2007 (DOG do 5 de marzo de 2007), modificada pola Orde do 13 de xuño de 2008 (DOG do 19 de xuño de 2008), Decreto 374/2009, do 6 de agosto (DOG do 14 de agosto de 2009), modificado polo Decreto 439/2009, do 11 de decembro (DOG do 24 de decembro de 2009), e Orde do 17 de marzo de 2007 (DOG do 19 de marzo de 2007).
Non pido en ningún momento que a Administración corra cos gastos do menú ou custe das actividades d@s nen@s, só pido que administre estes servizos, como é a súa obriga, xa que:
Non é xusto que se pague máis ou menos por menú en función do colexio.
Non é xusto que o servizo de comedor deixe fóra familias con dificultades económicas.
Non é a Anpa quen debe controlar a calidade dos menús servidos nun centro público.
Non é a Anpa quen debe garantir a salubridade do espazo no que se serve a comida.
Non é a Anpa quen debe velar pola legalidade dos contratos de prestación de servizos no colexio.
Non é a Anpa quen debe controlar a situación laboral do persoal de comedores.
Non é a Anpa (segundo a lei vixente) quen debe realizar eses contratos nun centro educativo público.
Non é a Anpa quen debería adxudicar arbitrariamente as subvencións recibidas para comedores.

Por todo o exposto anteriormente, solicito que esta Consellería teña a ben atender a solicitude que se lle fai e aplique a normativa vixente para garantir o correcto funcionamento dos comedores escolares desta Comunidade.

En Santiago de Compostela, a ___de _____________de 2011.-

SR CONSELLEIRO DE EDUCACIÓN E ORDENACIÓN UNIVERSITARIA
Edificio administrativo San Caetano – Santiago de Compostela

O concello pasa

O PP promete

Culebrón Pío XII

Psoe e PP discuten

Perozo opina

http://www.lavozdegalicia.es/santiago/2011/04/14/0003_201104S14C3996.htm

Santiago / A Voz 9/4/2011

A Federación de Asociacións de Nais e Pais (Anpas) de colexios públicos de Santiago afirman que queren deixar de funcionar como “auténticas empresas” prestadoras de servizos como madrugadores, comedores, actividades extraescolares, ludotecas, etc., obrigadas pola propia dinámica social e as demandas dás familias». Aseguran que existe opinión unánime en que non lles corresponde a xestión dos comedores escolares, asunto polémico nos últimos días: «Non pedimos a gratuidade dous comedores escolares, declaramos que non é nosa a competencia de xestionalos. A unanimidade é absoluta sobre que todo isto ten que cambiar. Talvez as opinións non sexan tan unánimes sobre cal debe ser ou camiño para que se efectúe ese cambio», indican nun comunicado sobre este asunto.

«Entre cadrar contas, buscar finanzamento, contratar e controlar o funcionamento dos servizos, atender demandas, negociar falta de pagamentos, etc., a contribución das Anpas á comunidade educativa vese seriamente comprometida. E todo isto, feito desde o máis absoluto voluntarismo en horas roubadas ao seu tempo libre por persoas que, estase vendo estes días, aínda teñen que pasar polo trámite de render contas ante os ‘clientes’», agregan.

Valoran que ao implantar a xornada única nos colexios deuse un desmantelamento de moitos comedores escolares. E agora «o esforzo das Anpas serviu para que todos os colexios públicos dá cidade conten co servizo de comedor. Cada un funciona como boamente pode e ten os seus propios problemas».

Santiago, como Ferrol

A Federación de Asociacións de Nais e Pais non ve xusto que difira o prezo do menú segundo o colexio ou que as Anpas deban controlar a calidade dos menús nun centro público, garantir a salubridade do espazo no que se serve a comida, velar pola legalidade dos contratos de prestación de servizos ou controlar a situación laboral do persoal de comedores, entre outras cuestións.

Defenden que o Concello de Santiago asuma un papel activo como ocorre xa este curso na comarca de Ferrol.

Non existe división na Federación de Anpas Compostela no tocante ao diagnóstico da situación dos colexios públicos na cidade, e a opinión de que a xestión dos comedores escolares non lles corresponde ás Anpas é unánime.

A realidade e as necesidades das familias usuarias dos colexios públicos mudaron moito nos últimos anos, e mentres as administracións seguen no pasado, as Anpas son hoxe auténticas ‘empresas’ prestadoras de servizos como madrugadores, comedores, actividades extraescolares, ludotecas, etc. obrigadas pola propia dinámica social e as demandas das familias.

Entre cadrar contas, buscar finanzamento, contratar e controlar o funcionamento dos servizos, atender demandas, negociar impagos, etc. a contribución das Anpas á comunidade educativa vese seriamente comprometida. E todo isto, feito desde o máis absoluto voluntarismo en horas roubadas ao tempo libre por persoas que, estase vendo estes días, aínda teñen que pasar polo trámite de render contas ante os ‘clientes’.

Anpas Compostela é o ámbito onde todas esas persoas desfogan as penurias da xestión da cada centro, cada un coas súas peculiares características, e onde se fai patente que esa maneira de funcionar vaise acabar. Na Federación traballamos para que as Anpas poidan chegar un día a liberarse das súas obrigas como meras prestadoras de servizos.

Anos atrás, a implantación da xornada única nos colexios públicos da cidade implicou o desmantelamento de moitos comedores escolares. Hoxendía vemos como o esforzo das Anpas serviu para que todos os colexios públicos da cidade conten co servizo de comedor. Cada un funciona como boamente pode e ten os seus propios problemas. Desde Anpas Compostela coidámonos moito de impoñer receitas sobre como se deben xestionar, pero non podemos deixar de constatar que:

•    Non é xusto que se pague máis ou menos por menú en función do colexio
•    Non é xusto que o servizo de comedor deixe fóra familias con dificuldades económicas
•    Non é a Anpa quen debe controlar a calidade dos menús servidos nun centro público
•    Non é a Anpa quen debe garantizar a salubridade do espazo no que se serve a comida
•    Non é a Anpa quen debe velar pola legalidade dos contratos de prestación de servizos no colexio
•    Non é a Anpa quen debe controlar a situación laboral do persoal de comedores
•    Non é a Anpa (segundo a lei vixente) quen debe realizar eses contratos nun centro educativo público
•    Non é a Anpa quen debería adxudicar arbitrariamente as subvencións recibidas para comedores

Non pedimos a gratuidade dos comedores escolares, declaramos que non é nosa a competencia de xestionalos. A unanimidade é absoluta sobre que todo iso ten que cambiar. Tal vez as opinións non sexan tan unánimes sobre cal debe ser o camiño para que se efectúe ese cambio.

A raíz de varias reunións con outras federacións locais como Ferrolterra e Vigo -nas que naceu a asociación Anpas Galegas- e despois de terlle trasladado en novembro ao Conselleiro de Educación da Xunta de Galicia as nosas reivindicacións (que considerou negativamente), comezamos a contemplar a idea do plante dos comedores.

A Federación de Ferrolterra levouno a cabo a principios do presente curso, o que obrigou aos concellos a asumir interinamente o servizo, exemplo que consideramos imitar en Vigo e Santiago.

A rolda de consultas realizadas nos centros nos últimos días responden a ese propósito. Anpas Compostela non considera convocar un plante xeral dos comedores dos colexios públicos en Santiago a menos que unha maioría significativa das Anpas estea de acordo coa medida.

Á marxe das consecuencias que isto poida ter na dinámica interna de cada unha das Anpas, isto, de momento non implica divisións nin rupturas no seo da federación Anpas Compostela.

Agora ben, o impacto que na federación local e no funcionamento dos propios centros van ter as dimisións de directivas de Anpas que se están dando nestes días, vai ser claramente negativo e, ademáis dun paso atrás na busca dunha posible solución, unha moi mala noticia para o asociacionismo desta cidade.

Da Anpa do Pío XII e a Anpa de Roxos-Villestro

A xestión dos comedores divide á federación de Anpas

En Roxos aproban desvincularse, e a do Raíña Fabiola vai dimitir

Autor: JOEL GÓMEZ

Localidade: Santiago / LA VOZ

Data de publicación:7/4/2011

Manifestamos tamén a nosa solidariedade ante a difícil situación que veñen de atravesar e o noso apoio a súa postura.

O conflicto dos comedores escolares, que sen dúbida será de novo protagonista nas páxinas da prensa, noutros colexios e noutras cidades, só acaba de comezar. A pesar da cega teimosía de quen ignora unha realidade apremiante nos colexios públicos das cidades, a prestación de servizos básicos nos colexios (madrugadores, comedores, actividades extraescolares) ten acadado unha dimensión que xa é ingobernable polo voluntarismo das Anpas.

Mentres as administracións miren para outro lado e unha minoría de pais se empeñen e ‘matar o mensaxeiro’, o lamentable é que as persoas que aportaron o seu traballo desinteresado e teñen a visión máis próxima do acontecer dos colexios sexan apartadas desta maneira.

Cousas veredes…

Así é como aparece recollida na Voz a demisión que xa coñeciamos no seo da federación desde a última asemblea.

A directiva da Anpa do Pío XII dimite para deixar o comedor

Pide que o xestione Educación e critica o actual «desamparo legal»

Autor: Joel gómez

Localidade:santiago / a voz

Data de publicación:6/4/2011