Home

Primeiras reaccións: o concello vai cedendo

22 Setembro, 2009

Por fin reaccionan! Será verdade? Esperemos a que actúen ou nos chamen para concretar como van funcionar. E de momento non din nada sobre a presenza de apoio en comedores con necesidades…

Sigamos atentos. Nos próximos días pode chegar a resolución do conflicto.

BENESTAR SOCIAL E EDUCACIÓN

O Concello satisfará as bolsas de comedor antes do día 5 de cada mes

Mar Martín e Mercedes Rosón durante a rolda de prensa.
Ampliar Mar Martín e Mercedes Rosón durante a rolda de prensa.

21/09/2009 No curso 2009-2010, o Concello pon en marcha en colaboración coas ANPAS un sistema de xestión máis eficaz para as bolsas de comedor. Esta fórmula permitirá que antes do 5 de cada mes se poda satisfacer a bolsa correspondente ao servizo prestado o mes anterior.

As concelleiras de Benestar Social e de Educación, Mar Martín e Mercedes Rosón, compareceron en rolda de prensa para explicar esta fórmula, agradecendo de antemán a colaboración dos pais e das ANPAS nesta xestión. Así, recordaron que o retraso nos pagos dos meses de maio e xuño do anterior curso obrigaron ao Concello a presentar un novo sistema de xestión máis eficaz, que permitirá que antes do 5 de cada mes se poda sufragar a bolsa.

Lamentan, pero respectan, a decisión dalgunha ANPA de non colaborar na xestión das bolsas de comedor. Nestes casos, indicaron, o Concello pagará directamente as bolsas ás familias.

Sobre a demanda de que o Concello se faga cargo da xestión dos comedores escolares, Mar Martín, apuntou que “o Concello non ten nin capacidade nin posibilidade de facerse cargo desta xestión”. Neste sentido, Mercedes Rosón engadiu que “nós apoiamos as solicitudes que podan facer as ANPAS para que a Consellería de Educación se faga cargo da xestión ou co-xestión dos comedores”, pero reiterou a imposibilidade municipal de xestionar os comedores dos 14 centros de primaria e tres escolas rurais cos que conta Santiago.

2 Responses to “Primeiras reaccións: o concello vai cedendo”

  1. Gabriel Colexiata de Sar Says:

    Algo pasa!

    Acaba de chamarme Mar Martín. Temos unha cita mañá para falar do tema dos educadores no comedor.

  2. federaciondeanpascompostela Says:

    Moi ben Gabriel. Pois a ver que pasa. Xa nos dirás. É importante que lle fagas ver que non estades sós nisto, que estamos aí todas as Anpas. Espero que se comprometan a poñer educadores. E espero que che expliquen cal vai ser a nova xestión das bolsas. É seguro que lle vaian pagar directamente ás familias? E ás familias quen as informa?


Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

A %d blogueros les gusta esto: